ਰੋਸਾਰਿਓ:8 ਸਤੰਬਰ(ਏਸੰਸੀ ਰਾਹੀ)-ਖਰਾਬ ਪ੍ਰਦਰਸ਼ਨ ਨਾਲ ਜੂਝ ਰਹੀ  ਭਾਰਤੀ ਹਾਕੀ ਮਹਿਲਾ ਟੀਮ ਨੂੰ ਵਿਸ਼ਵ ਕੱਪ ਦੇ ਪੂਲ ਏ ਦੇ ਮੈਚ ਵਿਚ ਨਿਊਜ਼ੀਲੈਂਡ ਤੋਂ 0-3 ਨਾਲ ਹਾਰ ਦਾ ਸਾਹਮਣਾ ਕਰਨਾ ਪਿਆ।  ਇਸ ਟੂਰਨਾਮੈਂਟ ਵਿਚ ਭਾਰਤ ਨੂੰ  ਕੇਵਲ ਇਕ ਜਿੱਤ ਹੀ ਨਸੀਬ ਹੋਈ ਹੈ।ਨਿਊਜ਼ੀਲੈਂਡ  ਵੱਲੋਂ ਕਪਤਾਨ ਕਾਇਲਾ ਨੇ 44ਵੇਂ ਅਤੇ 55ਵੇਂ ਮਿੰਟ ਵਿਚ ਗੋਲ ਕੀਤੇ, ਜਦੋਂ ਕੈਟੀ ਗਿਲਨ ਨੇ 52ਵੇਂ ਮਿੰਟ ਵਿਚ ਗੋਲ ਕੀਤਾ।  ਦੂਸਰੇ ਪਾਸੇ ਭਾਰਤੀ ਖਿਡਾਰਣਾਂ ਦਾ ਪ੍ਰਦਰਸ਼ਨ ਬੇਹੱਦ ਖਰਾਬ ਰਿਹਾ। ਇਸ ਤੋਂ ਪਿਛਲੇ  ਮੈਚਾਂ ਵਿਚ ਵੀ ਭਾਰਤੀ ਟੀਮ ਨੂੰ ਹਾਰ  ਦਾ ਸਾਹਮਣਾ ਕਰਨਾ ਪਿਆ ਸੀ