ਮੁੰਬਈ, 6 ਫਰਵਰੀ (ਏਜੰਸੀ ਰਾਹੀ)-ਬਾਲੀਵੁੱਡ ਦੀ ਮਸ਼ਹੂਰ ਅਭਿਨੇਤਰੀ ਰੇਖਾ ਜੋ ਕਦੇ ਟੀ.ਵੀ. ’ਤੇ ਕੰਮ ਕਰਨ ਤੋਂ ਤੋਬਾ ਕਰਦੀ ਸੀ ਹੁਣ ਛੋਟੇ ਪਰਦੇ ’ਤੇ ਨਜ਼ਰ ਆਉਣ ਲਈ ਤਿਆਰ ਹੈ ਹਾਲਾਂਕਿ ਉਹਨਾਂ ਨੇ ਸਪੱਸ਼ਟ ਕੀਤਾ ਹੈ ਕਿ ਉਹ ਬਲਾਗ ਲਿਖਣਾ ਸ਼ੁਰੂ ਨਹੀਂ ਕਰੇਗੀ।

ਰੇਖਾ ਨੇ ਇੱਕ ਬਿਆਨ ਵਿੱਚ ਕਿਹਾ ਕਿ ਮੈਨੂੰ ਪਤਾ ਹੈ ਕਿ ਪਹਿਲਾਂ ਮੈਂ ਕਈ ਵਾਰ ਕਹਿ ਚੁੱਕੀ ਹਾਂ ਕਿ ਮੈਂ ਟੀ.ਵੀ. ’ਤੇ ਕੰਮ ਨਹੀਂ ਕਰਾਂਗੀ ਪਰ ਹੁਣ ਟੀ.ਵੀ. ’ਤੇ ਦਿੱਸਣਾ ਸਮਾਂ ਦੀ ਮੰਗ ਹੈ ਇਸ ਲਈ ਆਖਿਰ ਮੈਂ ਫੈਸਲਾ ਲੈ ਲਿਆ ਹੈ।

ਉਹਨਾਂ ਕਿਹਾ ਕਿ ਮੈਂ ਪਹਿਲਾਂ ਹੀ ਇਹ ਤੈਅ ਕਰ ਲਿਆ ਹੈ ਕਿ ਮੈਨੂੰ ਕੀ ਕਰਨਾ ਹੈ? ਮੈਂ ਅਜਿਹਾ ਕੁਝ ਵੀ ਨਹੀਂ ਕਰਾਂਗੀ ਜੋ ਪਹਿਲਾਂ ਟੀ.ਵੀ. ’ਤੇ ਦੇਖਿਆ ਜਾ ਚੁੱਕਾ ਹੈ। ਨਾ ਕੋਈ ਟਾਕ ਸ਼ੋਅ, ਨਾ ਕੋਈ ਗੇਮ ਸ਼ੋਅ, ਇਹ ਇੱਕਦਮ ਅਲੱਗ ਹੋਵੇਗਾ। ਪਰ ਜਦੋਂ ਤੱਕ ਚੈਨਲ ਅਤੇ ਦੂਸਰੀਆਂ ਚੀਜ਼ਾਂ ਬਾਰੇ ਫੈਸਲਾ ਨਹੀਂ ਕਰ ਲੈਂਦੀ ਉਦੋਂ ਤੱਕ ਮੈਂ ਇਸ ਨੂੰ ਜਨਤਕ ਨਹੀਂ ਕਰਨਾ ਚਾਹਾਂਗੀ। ਬਲਾਗਿੰਗ ਬਾਰੇ ਉਹਨਾਂ ਦਾ ਕਹਿਣਾ ਹੈ ਕਿ ਮੈਨੂੰ ਕੰਪਿਊਟਰ ਦੀ ਜਾਣਕਾਰੀ ਨਹੀਂ ਹੈ।

ਡਾਕਟਰਾਂ ਨੇ ਉਹਨਾਂ ਨੂੰ ਲਾਸ ਏਂਜਲਿਸ ਵਿੱਚ ਕਰਨ ਜੌਹਰ ਦੀ ਫਿਲਮ ‘ਮਾਈ ਨੇਮ ਇਜ਼ ਖਾਨ’ ਦੀ ਸ਼ੂਟਿੰਗ ਤੋਂ ਪਹਿਲਾਂ ਹੀ ਆਪ੍ਰੇਸ਼ਨ ਦੀ ਸਲਾਹ ਦਿੱਤੀ ਸੀ ਪਰ ਆਪਣੇ ਕੰਮਕਾਜ ਨੂੰ ਦੇਖਦੇ ਹੋਏ ਉਹਨਾਂ ਨੇ ਇਨਕਾਰ ਕਰ ਦਿੱਤਾ ਸੀ। ਹਾਲਾਂਕਿ ਹੁਣ ਉਹਨਾਂ ਦਾ ਮੋਢਾ ਇਸ ਸਥਿਤੀ ਵਿੱਚ ਨਹੀਂ ਹੈ ਕਿ ਉਹ ਇੰਤਜ਼ਾਰ ਕਰ ਸਕਣ। ਫਰਵਰੀ ਦੇ ਅੰਤ ਵਿੱਚ ਉਹਨਾਂ ਦੇ ਪ੍ਰੋਡਕਸ਼ਨ ਰੇਡ ਚਿਲੀਜ਼ ਦੀ ਫਿਲਮ ‘ ਬਿੱਲੂ ਬਾਰਬਰ’ ਰਿਲੀਜ਼ ਹੋਣ ਵਾਲੀ ਹੈ ਇਸ ਲਈ ਉਹਨਾਂ ਨੇ ਫਿਲਮ ਦੇ ਪ੍ਰਮੋਸ਼ਨ ਅਤੇ ਆਪਣੇ ਆਪ੍ਰੇਸ਼ਨ ਵਿਚਾਲੇ ਦੋ ਹਫ਼ਤੇ ਦਾ ਅੰਤਰ ਰੱਖਿਆ ਹੈ ਤਾਂਕਿ ਦੋਨਾਂ ਵਿੱਚ ਹੀ ਕੋਈ ਮੁਸ਼ਕਲ ਨਾ ਆਵੇ।

ਸੰਜੇ ਦੱਤ ਨੂੰ ਲੈ ਕੇ ਪਰਿਵਾਰ ’ਚ ਕੋਈ ਝਗੜਾ ਨਹੀਂ– ਪ੍ਰਿਯਾ ਦੱਤ

ਮੁੰਬਈ, 14 ਜਨਵਰੀ (ਏਜੰਸੀ ਰਾਹੀ)- ਕਾਂਗਰਸ ਸਾਂਸਦ ਅਤੇ ਸਾਬਕਾ ਕੇਂਦਰੀ ਮੰਤਰੀ ਮਰਹੂਮ ਸੁਨੀਲ ਦੱਤ ਦੀ ਪੁੱਤਰੀ ਪ੍ਰਿਆ ਦੱਤ ਨੇ ਇਨ੍ਹਾਂ ਖ਼ਬਰਾਂ ਦਾ ਜ਼ੋਰਦਾਰ ਖੰਡਨ ਕੀਤਾ ਹੈ ਕਿ ਉਹ ਆਪਣੇ ਭਰਾ ਸੰਜੇ ਦੱਤ ਤੋਂ ਬੇਹੱਦ ਨਾਰਾਜ਼ ਹੈ। ਪ੍ਰਿਯਾ ਦੱਤ ਨੇ ਆਪਣੇ ਭਰਾ ਸੰਜੇ ਦੱਤ ਨਾਲ ਨਾਰਾਜ਼ਗੀ ਦੇ ਮੁੱਦੇ ’ਤੇ ਸਫਾਈ ਦਿੰਦਿਆਂ ਕਿਹਾ ਕਿ ਉਨ੍ਹਾਂ ਦੇ ਬਿਆਨ ਨੂੰ ਤੋੜ-ਮਰੋੜ ਕੇ ਪੇਸ਼ ਕੀਤਾ ਗਿਆ ਹੈ। ਉਨ੍ਹਾਂ ਦੇ ਪਰਿਵਾਰ ਵਿਚ ਕੋਈ ਝਗੜਾ ਨਹੀਂ ਹੈ ਅਤੇ ਸੰਕਟ ਦੇ ਸਮੇਂ ਪੂਰਾ ਪਰਿਵਾਰ ਇਕਜੁੱਟ ਹੈ। ਵਰਣਨਯੋਗ ਹੈ ਕਿ ਮੀਡੀਆ ਵਿਚ ਪਹਿਲਾਂ ਇਹ ਖ਼ਬਰ ਆ ਰਹੀ ਸੀ ਕਿ ਪ੍ਰਿਯਾ ਦੱਤ ਸੰਜੇ ਦੱਤ ਦੇ ਸਪਾ ਟਿਕਟ ’ਤੇ ਚੋਣ ਲੜਣ ਤੋਂ ਬੇਹੱਦ ਨਾਰਾਜ਼ ਹੈ।